تبي تعرف رأي جمهورك الحقيقي في تطبيقك بدون ما تسألهم؟

المشكلة الكبيرة إن المستخدم إذا واجه صعوبة في تطبيقك، غالباً ما راح يراسل الدعم الفني يعلمهم؛ ببساطة بيحذف التطبيق ويروح للمنافس، او يصور الشاشة وينشر العيوب في منصات التواصل.

إذا كنت تبي تعرف موقعك سهل ولا معقد، لا تعتمد بس على تقارير الأخطاء التقنية؛ اعتمد على صوت الجمهور اللي يتكلمون فيه بعيد عنك.

1. وين يروح العميل إذا علق معه التطبيق؟

العملاء في إكس او ردود تيك توك، يعطي رأيه .

رصد النبرة: الأدوات الذكية ترصد لك الكلمات اللي تدل على الضياع داخل الموقع (مثل: "ما عرفت وين ألقى الطلب، الخطوات طويلة، التطبيق يعلق عند الدفع).

انك تقراء هذي التعليقات تعطيك خارطة طريق واضحة للأماكن اللي العميل واجه صعوبه فيها ، وتخليك تعدل جودة الاستخدام بناءً على تجربة حية، مو على توقعات او تخمين

2. وش يبون وما قالوه لك؟

أحياناً العميل ما يشتكي، بس يتمنى ميزة معينة..

اقتناص الرغبات: الاستماع الاجتماعي يخليك تعرف وش الأشياء اللي يبهر جمهورك عند غيرك. هل يحبون الدفع بضغطة وحدة؟ هل يفضلون الواجهة الداكنة؟…

هذي المعلومات هي اللي تخليك تطور تطبيقك وتسبق توقعاتهم، وتخليهم يحسون إنك فاهمهم بدون ما يتكلمون معك مباشرة.

3. اختبار سهولة الاستخدام

اختبار التطبيق داخل الشركة يختلف تماماً عن استخدامه تحت ضغط الواقع (نت ضعيف، مستخدم مستعجل، جوال قديم).

الرصد اللحظي: لما ترصد وش ينقال عن تطبيقك في أوقات الذروة (مثل أوقات العروض أو المواسم)، بتعرف القوة الحقيقية لسهولة الاستخدام.

إذا شفت الناس يمدحون سلاسة الطلب رغم الضغط، فأنت هنا نجحت. وإذا شفتهم يتذمرون، فهذا تنبيه مبكر يخليك تلحق على العطل او التعقيد قبل ما يختارون العملاء غيرك.

الخلاصة:

رأي جمهورك الحقيقي مو في التقييم بالنجوم، بل في الكلام اللي يحكونه عنك.

سهولة الاستخدام هي اللي تبني الولاء. لا تنتظر العميل يكتب لك شكوى؛ خلك اذكى واسمع وش يقول لغيرك عنك، وطور موقعك بناءً على واقعه هو، مو على الخيال.

السؤال المهم: هل تطبيقك يخدم العميل فعلاً، ولا جالس يختبر صبره؟