وش يعني إدارة التواصل وقت الأزمات؟ وكيف تستعد لها قبل ما تصير؟

يمكن تعليق سلبي ينتشر بسرعة، او خبر غير دقيق، او مشكلة في منتج

السؤال هنا:

هل شركتك مستعدة تتعامل مع الأزمة لو صارت؟ هنا يجي دور إدارة التواصل وقت الأزمات

وش المقصود بإدارة التواصل وقت الأزمات؟

إدارة التواصل وقت الأزمات هي الطريقة اللي تتواصل فيها الشركات مع الجمهور والإعلام إذا صارت مشكلة ممكن تأثر على سمعتها الهدف منها يكون:

• توضيح الصورة للناس
• تقليل انتشار المعلومات غير الصحيحة
• الحفاظ على ثقة العملاء

ليه إدارة الأزمات مهمة؟

اليوم مع السوشيال ميديا، اي موضوع ممكن ينتشر بسرعة كبيرة ولو الشركة تأخرت في الرد، ممكن المشكلة تكبر أكثر وجود خطة واضحة للتعامل مع الأزمات يساعد الشركات على:

• الرد بسرعة
• توضيح الرسائل بشكل صحيح
• حماية سمعة العلامة التجارية

كيف تتعامل الشركات مع الأزمات؟

1.⁠ ⁠سرعة الاستجابة

أول ما تظهر المشكلة، لازم يكون فيه رد واضح، التأخير ممكن يعطي فرصة للشائعات تنتشر

2.⁠ ⁠الوضوح مع الجمهور

الناس تحب الصراحة، من المهم توضيح وش صار، وش الخطوات اللي بتسويها الشركة لحل المشكلة

3.⁠ ⁠متابعة اللي ينقال في السوشيال ميديا

من المهم متابعة المنشورات والتعليقات المرتبطة بالأزمة

اليوم فيه ادوات تساعد الشركات تتابع اللي ينقال عنها في السوشيال ميديا، وبعضها يرسل تنبيه فوري اذا انتشر منشور سلبي او بدا الكلام يزيد حول موضوع معين، وهذا يساعد الفرق التسويقية تتصرف بسرعة قبل ما تكبر المشكلة.

4.⁠ ⁠التعلم من الأزمة

بعد انتهاء الأزمة، لازم الشركة تراجع اللي صار، هذا يساعدها تطور خططها وتكون مستعدة أكثر لأي موقف مشابه مستقبلاً

الخلاصة

الأزمات ممكن تصير لأي شركة، لكن الفرق يكون في طريقة التعامل معها،

وجود خطة واضحة للتواصل، مع متابعة اللي ينقال عن العلامة التجارية و وجود تنبيه لازمة محتملة، يساعد الشركات تتعامل مع الأزمات بشكل أهدأ ويحافظ على ثقة الجمهور