ليش التوقيت يحدد نجاح المحتوى على تيك توك؟

إذا نشرت في وقت يكون فيه جمهورك المستهدف متواجد، راح تحصل على دفعة تفاعل سريعة جداً. هذي الدفعة هي اللي تخلي الخوارزمية تعطيك فرصة أكبر للانتشار وتوصل محتواك لمجموعة أكبر من الناس.

الخلاصة: اختيار الوقت الذهبي مو مجرد ترتيب جدول؛ هو مفتاحك عشان تستغل الانطلاقة الذهبية اللي تخلي محتواك يفرق على طول ويجيب اعلى تفاعل

ما هي الأوقات العامة اللي لازم تعرفها في العالم العربي؟

فيه أوقات تعتبر "نقاط انطلاق" عامة في أغلب دول المنطقة، وغالباً هذه الأوقات ترتبط بعادات الناس اليومية:

• ذروة ما بعد الظهر (12:00 م - 2:00 م): وقت استراحة الدوام والغداء. أغلب الناس تفتح التطبيق للتصفح السريع

• ذروة ما بعد المغرب والعشاء (7:00 م - 9:00 م): هذا هو الوقت اللي الناس فيه تغير جوها من العمل، تبدأ تسترخي، وتخصص وقت أطول لمتابعة المنصات

• عطلة نهاية الأسبوع: غالبًا ما يكون التفاعل مرتفع في فترة المساء من الخميس والجمعة والسبت، لكن الناس تنشر فيه كثير، يعني المنافسة فيها تكون اعلى

لكن انتبه: هذه الأوقات تعتبر بداية جيدة، لكنها مو كفاية ، كل قطاع وكل علامة تجارية لها وقتها الخاص اللي يجيب أعلى نتائج.

كيف تعرف افضل وقت للنشر في تيك توك؟ : 3 خطوات تعرف فيها وقتك الذهبي للنشر

عشان تنتقل من التخمين الى الربح المؤكد في تيك توك، لازم تستخدم التحليل اللي يكشف لك سلوك جمهورك:

1. تحديد سلوك الجمهور الجغرافي ، وين جمهورك؟

   جمهورك مو كل العالم، هم ناس في مدن محددة (الرياض، جدة، القاهرة، دبي... الخ). لازم تكون عندك أداة تعرف لك وين يتركز جمهورك بالضبط. بعدها، تقدر تربط أوقات النشر بـ:

   • أوقات الذروة الإقليمية: وش هي أوقات فراغ الناس في هذه المدن بعد الدوام أو الدراسة؟

   • فروقات التوقيت: لو عندك جمهور في أكثر من دولة، لازم يكون عندك جدول زمني يراعي كل التوقيتات الإقليمية

2. فحص أوقات ذروة المنافسين

   لازم تكون عندك رؤية واضحة للمحتوى اللي نشروه منافسينك و متى نشروه بالضبط، ووش المحتوى اللي جاب أعلى تفاعل؟

   الأدوات المتقدمة تمكنك تشوف أفضل 10 منشورات للمنافسين خلال الأسبوع، وتعرف الساعة والدقيقة اللي تم النشر فيها عشان تعرف إذا كان الموضوع صدفة ، أو إن هذا هو وقتهم الذهبي

   هذا التحليل يعطيك فكرة عن أوقات معينة ويساعدك تتجنبها، أو تنشر قبلها بدقايق

3. تحليل المحتوى السابق ، وش نجح معك أنت؟

   أهم تحليل هو اللي يخصك لازم تقارن محتواك القديم ببعض:

   • قارن المنشورات اللي جابت أعلى معدل مشاركة مو بس مشاهدة

   • شوف المحتوى اللي خلا الناس تعلق عليه أكثر، ثم ارجع وشوف متى نشرته بالضبط في اي يوم واي ساعه

   • استخدم البيانات عشان تطلع بقائمة مرجعية لأفضل 3 أيام واوقات في الأسبوع، والتزم فيها لمدة شهر، ثم ارجع حلل النتائج

التحليل المتقدم: كيف تعرف أفضل وقت ل جمهورك أنت؟

زي ما قلنا، الاعتماد على الأوقات العامة ما يضمن لك شي افضل وقت للنشر هو اللي يكون فيه جمهورك متواجد للتعليق والمشاركة. وهذا يحتاج تحليل اعمق:

• تحليل الاهتمامات : جمهورك في تيك توك ممكن يكون متفاعل في المساء، لكن هل هو متفاعل مع المحتوى اللي تنشره؟ التحليل المتقدم يربط لك التوقيت بالاهتمام

• جودة التفاعل: متى يجي التفاعل اللي فيه نية شراء او نية بحث عن علامتك؟ هذا التفاعل هو اللي لازم تستهدفه، مو مجرد مشاهدة عابرة

مؤشرات الأداء: وش هي المقاييس اللي لازم تشوفها بعد النشر؟

عشان تعرف إن توقيتك صح، لازم تتابع هذه المقاييس بدقة:

• معدل المشاركة : هذا أقوى مؤشر على إن المحتوى والتوقيت كان ممتازاً لدرجة إن الجمهور شافه وشاركه

• التعليقات : التفاعل مو بس إيموجي شوف التعليقات اللي فيها اسئلة، او نقاش، او تحدي. هذا دليل على إن الجمهور كان مركز وقت النشر

• معدل الزيارات للموقع : إذا كان هدفك التحويل، أفضل توقيت هو اللي يجيب لك أعلى نسبة نقر من ملفك الشخصي.

الخلاصة: مافيه وقت سحري واحد لكل الناس ، لكن قدرتك على تحليل سلوك جمهورك المحلي بدقة متناهية وفهم جمهورك وتحليل نشاطهم ، ومعرفة توقيتات منافسيك هي اللي بتساعدك توصل للي تبيه .